வாழ்த்துரைகள்

ஆலய வரலாறு மற்றும் சாட்சிகள்

மணிநகர் சபைக்கு என் பணி

- பொ. துரைராஜ்

கி.பி 1800ம் ஆண்டில் நாசரேத் சபை தோன்றினும் நீண்ட இடைவெளிக்குப் பின் அதன் கிளைச் சபைகளான வகுத்தான்குப்பம் சபை 1873லும், திரவியபுரம் சபை 1953லும் மணிநகர் சபை 1968லும், திருமறையூர் சபை 1971லும் மாணிக்கவாசபுரம் சபை 1991லும் தான் உதயமானது.

1967ல் ஒரே கிறிஸ்தவ குடும்பம் வசித்து வந்த இவ்வூரில் கிறிஸ்தவ நற்பணி செய்த திரு. அன்பு கம்பவுண்டர் அவர்களும் 1968ல் இச்சபையை நிறுவிய நிறுவனர் தாத்தா டேவிட் வைத்தியர் அவர்களில் இருந்து இன்றுவரை எல்லா காரியங்களிலும் எனது ஈடுபாட்டை மணிநகர் சபைமக்கள் விரும்பியதே ஆகும். திரு. G அன்பு கம்பவுண்டர் சகோதரர் என்னுடன் ஆலையில் பணியாற்றிய திரு. G டேவிட் அவர்கள் பனிக்குல மாணிக்கம் வைத்தியர் தாத்தாவை எனக்கு அறிமுகப்படுத்தினர்.

புறமதஸ்தருக்கு மத்தியில் பல சோதனைகளிலும், போராட்டங்களுக்கும் இடையில் தீய சக்திகளால் எரிந்து போன கூரை ஆலயத்தை புதிய பொலிவில் குறைந்த்து 80 அடி உயரமான கோபுரத்து உள்ளே 500 பேர்கள் தியானிக்கும் ஆலயம் கட்ட திட்டம் வகுத்து 1968ல் நாசரேத் பாஸ்ட்ரேட் சேர்மன் மறைதிரு. ஜெபமணி ஐயர் அவர்களின் திருக்கரத்தால் அஸ்திபாரம் போடப்பட்டு... 1974 ஜனவரி 6ம்நாள் பேராயர் அருட்பெருந் திரு. டேனியல் ஆபிரகாம் அவர்களால் இந்த பிரசன்ன ஆலயம் பிரதிஷ்டை செய்யப்பட்டது.

நேற்று இன்று நாளை

- ச. ஞானானந்தம்

நேற்று:- 1968ல் ஆரம்பிக்கப்பட்ட இச்சபையில் மொத்தம் ஆறு குடும்பங்கள் தான் அது பலுகி பெருகி இன்று எண்பது குடும்பங்களில் உள்ளவர்கள் ஆராதனை செய்து வழிபடும் ஆலயமாக அமைந்துள்ளது.

இன்று:- இவ்வாலயத்தின் சிறப்பு இவ்வாலயம் மிகவும் புனிதமானது. எவ்வித தவறுகளும் இப்பகுதியில் நடைபெறாது. மற்ற ஆலயங்களுக்கு செல்பவர்கள் கூட அவர்களுக்கு ஏதாவது பிரச்சனைகள், துன்பங்கள், துயரங்கள் வந்தால் இவ்வாலயத்தில் முன்பகுதியில் வந்து முழங்காலில் நின்று அழுது புலம்பி ஜெபிப்பவர்கள் உண்டு ஆசீர்வாதங்களை உடனுக்குடன் பெற்றுச் செல்பவர்கள் பலர். வெள்ளிவிழா காணும் எங்கள் சபைக்கு வெள்ளிவிழா சட்ட வாக்கியமாக எங்கள் தலைமை குருவால் கொடுக்கப்பட்ட வசனம்: "கர்த்தர் எனக்காக யாவையும் செய்து முடிப்பார்" சங் 138:8.

நாளை:- பெரிய நகரமாக வளரும் நிலையிருப்பின் மணிநகர் ஆலயம் வருங்காலத்தில் விஸ்தரிக்க வேண்டிய நிலையில் இருக்கும்... நாசரேத் சேகரமானது இன்னுமசில காலங்களில் நாசரேத் திருமண்டலமாக உருவாகும் வாய்ப்புள்ளது, அப்போது இம்மணிநகர் சபையானது ஓர் சேகரமாக மாற வேண்டும்.

கர்த்தருக்கு ஸ்தோத்திரம்

- ஆ கமலம் அம்மாள்

1965-ம் வருஷம் நாசரேத்திலிருந்து மணிநகரில் நிலம் வாங்கி வீடு கட்டி குடியேறினோம் எனக்கு இளுப்பு வியாதியினால் கஷ்டப் பட்டு ஜான் பிரசங்கியார் கூட்டத்திற்கு போய் நான் பாவத்தி லிருந்து விடுதலை பெற்று இயேசு கிறிஸ்துவை ஏற்றுக் கொண்டேன் நானும் என் பிள்ளைகள் இரண்டு பேரும் நாசரேத் ஆலயத்திற்கு போவோம் எனக்கு ஒரு ஆத்தும பாரம் இந்த ஊரில் ஒரு ஆலயம் வேண்டும். இந்த மணிநகர் மக்கள் உம்மை அறிய வேண்டும் என்று ஒரு நாளைக்கு மூன்று தடவை 2 மணி நேரமாவது ஜெபிப்பேன்.

...பெண்கள் கூடி வெள்ளிக் கிழமையும் புதன் கிழமையும் ஆலயத்தில் 2 மணியிலிருந்து 4 மணி வரை ஜெபிப்போம் எங்களுக்கு ஒரு ஆலயம் கட்ட வேண்டும் என்று என் கணவர் ஆபிரகாம் அவர்கள் பக்கத்து வீட்டு பால்பாண்டி அவர்களும் சேர்ந்து 25 செண்டு நிலம் வாங்கினார்கள் எங்கள் ஜெபத்தின் பலனாக ஒரு ஓலை கோயில் அந்த நிலத்தில் கட்டினோம் அந்த ஆலயம் தீப் பிடித்து எரிந்து விட்டது மேலும் எங்கள் ஜெபத்தினால் இதுவரை வரி என்று போடாமல் இவ்வளவு பெரிய ஆலயம் கட்டி ஆராதனையை ஆசீர்வாதமாக நடத்தினார் தேவன்...

நம் தேவன் பெரியவர்

- K. A ஆபிரகாம் [ராதா]

சுமார் 7-8 வருஷங்கள் முன்பு வரை கிறிஸ்தவனாக இருந்து தேவனை அறியா முரடனாக வாழ்ந்து சபையையும் கிறிஸ்துவையும் தேடாத வண்ணம் வாழ்ந்த எங்கள் குடும்பம் முக்குப்பீறி ஊரில் வாடகை வீட்டில் இருந்த நேரம் தேவன் நம் இயேசு என்னை சந்தித்தார் உன்னதமானவரின் மறைவினில் இருக்கிறவன் சர்வ வல்லவருடைய நிழலில் தங்குவான் என்ற வசனம் போல் எனக்கு மணிநகர் சபையில் உள்ள ஆபிரகாம் நாடார் என்பவரின் மனைவி கமலம் அம்மாள் மூலம் கிரியை செய்தார்... இன்று நாங்கள் பிரசன்ன ஆலய ஜெபம் ஒழுங்கு இதற்கு கட்டுப்பட்டு தேவனால் ஆசீர்வதிக்கப்பட்டு இந்த குடும்பம் ஓர் நல்ல குடும்பமாக ஒற்றுமையாக இருக்கிறோம்.

நினைத்துப் பார்க்கிறேன்

- V. ஜோசப் அருள்ராஜ்

பூர்வ நாட்களை நினை; தலைமுறை தலைமுறையாய் சென்ற வருஷங்களைக் கவனித்துப் பார் உபா 32:7... அதனையடுத்து "மணிநகரில் தந்தையாம் வைத்தியர் திரு. டேவிட் அவர்களின் அரும்பாடும் அயராத உழைப்பும் காரணமாக திரு. தானியேல் அவர்கள் துணையுடன் இறைவன் இயேசுவைத் தேட ஓர் இடம் தேர்ந்தெடுக்கப்பட்டது... 1974-ம் ஆண்டில் அளவில்லா ஆசீர்வாதங்களைப் பொழிந்த இறைவன் வெள்ளிவிழா காணும் இந்த ஆலயத்தைக் கட்ட அருள் புரிந்தார் திரு. ஜெபமணி ஆசிரியர் திரு தாவீது போன்றவர்களின் உண்மை உழைப்பில் பணிகள் உயர்ந்தன.

இன்று தம்பி ரவி மூலமாக கனி கொடுக்கின்றன எப்படியென்றால்......... மிஷனரிகளை அனுப்பும் சபையாக சுவிசேஷ ஊழியத்தில் சுறுசுறுப்புள்ள சபையாக மிஷனரிப் பணிகளுக்கு சவால் விடும் சபையாக ரெஜினா என்பவரை மிஷனரியாக அனுப்பியும் ஆலங்குளம் காலங்கரப்பட்டி ஆகிய இடங்களில் தொடர்ந்து சுவிசேஷப் பணி செய்தும்... இறைவனை மகிமைப்படுத்தும் சபையாக விளங்கி இன்று பொலிவுடன், வெள்ளிவிழா காணும் மணிநகர் சபையே உன் பணி தொடரட்டும்.

கர்த்தருக்கு ஸ்தோத்திரம்

- A.M.J. RAVI (கன்வீனர் and பொருளாளர்)

1966ம் ஆண்டு தேரிபகுதியில் குடியேறிய சில குடும்பங்களின் வாஞ்சையை அறிந்த கர்த்தர் தம்முடைய ஊழியக்காரராகிய தாத்தா வைத்தியர் டேவிட் உபதேசியாரைக் கொண்டு 1968ம் ஆண்டு இப்போது இருக்கிற ஆலயத்தின் அருகில் சிறிய ஓலை வேயப்பட்ட ஆலயம் கட்ட கிருபை செய்தார். முதலில் 6 குடும்பங்களைக் கொண்டு ஆரம்பிக்கப்பட்டது. அந்த நாட்களில் உதவிய அன்பு சுப்பவுண்டர் அவர்களை நினைக்கி்றேன். மேலும் ஆவிக்குரிய காரியங்களிலும் ஆண்டவருடைய ஆலோசனையையும் கூறி உதவி செய்த தானியேல் (பாட்டக்கரையார் ஓட்டல்) அவர்களையும் நினைக்கிறேன்.

1988ம் ஆண்டு ஆலய கோட்டை கட்ட கர்த்தர் ஏவினார் நாங்கள் யாவரும் ஜெபித்து இந்த காரியங்களை செய்து முடித்தோம்... திரு. தங்கையா ஆசிரியர் அவர்கள் சபை ஊழியத்தை ஏற்று எங்களில் ஒருவராக இருந்து எங்களை வழி நடத்தியும் எங்கள் ஆலயத்துக்கு ஆல்டர் ஓடுகள் மாற்றி கான்கிரீட் போட்ட விஷயத்திலும் கோபுரம் முதல் தட்டு கட்டும் விஷயத்திலும் பொருள் வைப்பு அறை கட்டும் விஷயத்திலும் எங்களுக்கு உதவி செய்ததை மறக்கவே முடியாது அதற்கும் பின் 1992ம் ஆண்டு கடைசியில் திரு P. அடைக்கலம் தர்மராஜ் அவர்கள் சபை பணி ஏற்று இம்மட்டும் நடத்தி வருகிறார்கள்...

நாசரேத் சேகரம் மணிநகர் சபை

- P. அடைக்கலம் தர்மராஜ் (உபதேசியார், மணிநகர்)

திருநெல்வேலி திருமண்டலத்திலுள்ள 1145 கிறிஸ்தவ கிராமங்களுள் மணிநகர் சபையும் ஒன்றாகும். இது நாசரேத்தின் கீழ் பகுதியில் தேரிப்பாங்கான இடத்தில் அமைந்துள்ளது. 25 ஆண்டுகளுக்கு முன் திரு. டேவிட் பிரசங்கியார் அவர்களால் தோற்றுவிக்கப்பட்டது அவர் கல்லறை ஆலய வளாகத்துக்குள் இருப்பது மிக பெரிய சாட்சியாகும் அவர் மரித்தும் இன்னும் பேசிக் கொண்டிருக்கிறார்.

மணிநகர் சபையில் வளர்ந்து பெருகுக என்ற 200 ஆண்டு வல்ல வாக்கின் படி கடந்த ஆண்டு 10 பேருக்கு பருவம் கடந்த ஞானஸ்நானம் கொடுத்து தற்போது 84 குடும்பங்கள் இருக்கின்றன. மணிநகர் சபையில் ஒரு சுவிசேஷ ஊழிய குழு உண்டு மாதத்தின் 4வது ஞாயிறு சென்று ஊழியம் செய்வது ஒரு நல்ல அம்சமாகும் மேலும் வட இந்தியாவில் பீகார் மாநிலத்தில் ஒரு ஊழியரை ஆதரிப்பதுடன் வெள்ளி விழா நினைவாக அங்கு ஒரு ஆலயம் கட்டுவது பாராட்டத்தக்கது.

சபையின் சிறப்பம்சங்கள்

மணிநகர் ஆலயத்தின் மறைந்து கிடக்கும் மாபெரும் பொக்கிஷங்கள்

- Reginaravi

• வாசல்கள்:- 'நானே வாசல்' என்று சொன்னார் நம் அருமை இயேசு நாதர். ஆலயத்தின் வாசல்கள் எவ்விதமான ஜாதி, சமய ஏழை பணக்காரர் என்ற எவ்வித பாகுபாடின்றி மக்களை ஆலயத்திற்குள் செல்ல அனுமதிக்கின்றன.
• ஞானஸ்நானத் தொட்டி:- வாசலைக் கடந்து உள்ளே சென்றவுடன் முதலில் நாம் காண்பது ஞானஸ்நான தொட்டி ஞானஸ்நானம் என்பது கிறிஸ்துவின் சபையில் சேர்க்கப்படுவது என அர்த்தமாகும்.
• தரை:- தரையானது பூக்களை விரித்தாற் போன்று அழகாக காணப்படுகிறது. தரையானது யாவரையும் சுமந்து கொள்கிறது.
• வாசிப்புபீடம்:- வாசிப்பு பீடத்தில் நின்று கர்த்தருடைய வசனங்களை வாசிப்பார்கள் வேதாகமம் அதில் வைக்கப்பட்டிருக்கும் ஆண்டவருடைய வார்த்தைகளை தன் மேல் கொண்டதால் வாசிப்புபீடம் காணப்படுவது போல நாமும் கர்த்தரை ஏற்றுக் கொண்டு அவருடைய வசனங்களை கைக்கொண்டு சாட்சியாய் நிற்க வேண்டும்.
• பிரசங்கபீடம்:- பிரசங்கபீடமானது கர்த்தருடைய வசனங்களை போதிக்கும் இடமாகும். தேவன் எருசலேம் ஆலயத்தில் நின்று கொண்டு அதிகாரமுள்ளவராய் போதித்தார்.
• ஆர்கன்:- இது ஒரு இசை எழுப்ப உதவும் கருவியாகும் அதை மீட்டும் பொழுது மட்டுமே அதை பயன்படுத்தும் பொழுது மட்டுமே அது ராகம் இசைக்கும் இனிய ஓசையை எழுப்பும் அதை நாம் மீட்டாத பொழுது அது இசைக்காது அதைப் போலவே தேவன் நம்மை பயன்படுத்தும் பொழுது மாத்திரமே நாம் அவருக்கென்று எழும்பி பிரகாசிக்க முடியும்.
• பலிபீடம்:- அந்த நாட்களில் பலி செலுத்தும் ஒரு இடமாக காணப்பட்டது... பழையன கழிதலும் புதியன புகுதலும் என்ற கருத்தில் காணப்படுவது பலிபீடமே.
• சிலுவை:- பலிபீடத்தின் மத்தியிலுள்ளது சிலுவை. உன்னதத்தில் வீற்றிருக்கும் தேவனுக்கும் பூமியிலுள்ள மனிதனுக்கும் தொடர்பை உண்டு பண்ணியது இந்த சிலுவை.
• மெழுகுவர்த்தி:- மெழுகுவர்த்தி தான் எரிந்து மற்றவர்களுக்கு ஒளியை கொடுக்கிறது. தன்னையே தியாகம் செய்கிறது.
• ஆலய விளக்குகள்:- அவருக்குள் ஜீவன் இருந்தது. அந்த ஜீவன் மனுஷருக்கு ஒளியாயிருந்தது. ஆம்! தேவன் ஒளியாய் இருக்கிறார் அவரில் எவ்வளவேனும் இருள் இல்லை அதற்காக ஆலய விளக்குகள் எரிந்து பிரகாசிக்கிறது.
• கோபுரம்:- கோபுரம் என்றால் பெரியது என்று அர்த்தம். நமது தேவன் பெரியவர். உன்னதமான தேவன் வீற்றிருக்கும் இடமாகிய ஆலயத்திற்கு கோபுரம் தேவை தான்.

மணிநகர் பெண்கள் ஐக்கிய சங்க ஊழிய வளர்ச்சி

- திருமதி. ரெஜினா ரவி

மணிநகர் ஆலயம் ஸ்தாபித்த நாட்களிலே இரண்டு, மூன்று குடும்பங்களே உள்ள நிலையில் அவர்கள் பெண்களாக கூடி ஜெபித்தார்கள் அதின் மூலமாக கர்த்தர் பெரிய காரியங்களை செய்தார். அநேகர் இரட்சிக்கப்பட்டு ஞானஸ்நானம் பெற்றார்கள் சபை வளர்ச்சியடையலாயிற்று இன்று 80-க்கும் அதிகமான குடும்பங்கள் உள்ளன.

ஒவ்வொரு ஞாயிற்றுக்கிழமையும் மதியம் 2 மணிக்கு பெண்கள் ஐக்கிய சங்க கூட்டம் நடைபெறும். பிரதி வெள்ளிக்கிழமை தோறும் ஆலயத்திலே ஜெபம் ஏறெடுக்கப்படும். புதன்கிழமைகளிலே இல்லங்களிலே ஜெபக் கூட்டங்கள் நடைபெறுகின்றன. மாதத்தின் முதல் திங்கள் கிழமை அத்தியட்சாதீன பெண்கள் உபவாச நாள் மாலை 1 மணி முதல் ஆலயத்திலே நடைபெறுவதுண்டு நான்காவது வாரம் ஞாயிற்றுக்கிழமை ஆத்தும ஆதாயப் பணியிலும் பெண்கள் பலர் வெளியிடங்களுக்கு சென்று ஊழியர், வானரமுட்டி சுவிசேஷ பணி இவற்றிலும் பங்கு பெறுகின்றனர்.

கிறிஸ்தவ வாலிப பெண்கள் சங்கம் Y.W.C.A

- திருமதி. ரெஜினா ரவி

பணிநகர் வாலிப பெண்கள் சங்கம் கர்த்தரின் கிருபையால் வளர்ந்து பெருகி வருவது மிக மகிழ்ச்சிக்குரிய காரியமாகும், வாரந்தோறும் வாலிபப் பெண்கள் ஐக்கிய சங்கம் மிக ஒழுங்காக ஆலயத்தில் நடைபெறும் வேத வசனங்களை ஆதாரமாகக் கொண்ட பாடல்கள், அனுபவ சாட்சிகள், வேதாகமத்தின் பகுதிகள் கற்பிக்கப்படுகிறது... வருங்காலத் திருச்சபையின் தூண்களாகத் திகழப் போவது இப் பெண்களே.

மணிநகர் ஓய்வுநாள் பாடசாலை

- திருமதி. ரெஜினா ரவி

மணிநகரில் ஓய்வுநாள் பாடசாலை ஆலயம் கட்டுமுன்னரே ஆரம்பிக்கப்பட்டது. ஆரம்ப நாட்களில் திரு. மார்ட்டின் அண்ணன் அவர்கள் ஓய்வு நாள் பாடசாலை வகுப்பை நடத்தினார்கள். அதன் பயனாக இன்று ஊழியம் செய்யும் அளவிற்கு வாலிபர்கள் எழும்பி உள்ளனர் என்று கூறினால் அது மிகையாகாது. அவர்களுக்கு பின் ஓய்வுநாள் பாடசாலை சபையின் வாலிபர்களால் நடத்தப்பட்டது. அதன் பின்னர் தம்பி சாமுவேல் பொறுப்பெடுத்து அதனை நடத்திச் சென்றான் தற்போது வாலிப பெண்கள் ஐக்கிய சங்கத்தின் சார்பாக எலிசபெத், ஜெனட், எப்சி, எஸ்தர் ஆகியோர் இந்த வகுப்பை நடத்திக் கொண்டு இருக்கிறார்கள்.

வெள்ளை அங்கி (பாடகர் குழு)

இயேசு கிறிஸ்துவின் பெரிதான கிருபையினால் (1993) இவ்வெள்ளி விழாவாண்டில் ஏப்ரல் 11ந் தேதி கிறிஸ்துவின் உயிர்த்தெழுதல் பண்டிகை ஆராதனையில் அதிகாலை 1:30 மணி அளவில் நமது சேகர குரு திரு. ஜாண்செல்லையா அவர்களால் ஆண்டவரின் நாம மகிமைக்காக பாடகர்குழு பிரதிஷ்டை செய்யப்பட்டது.

தொடர்ந்து நமது சபையின் திரு. சந்திரன் ஞானானந்தம் அவர்கள் ஆர்க்கனிஸ்டாக பணியாற்றி வருகிறார்கள். பாடகர் குழுவின் ஆதிக தேவைகளின் மத்தியிலும் கர்த்தர் நடத்தி வருகிறார்.

கவிதைகள்

சிந்தனைகள் மற்றும் உரையாடல்கள்

கர்த்தருடைய அற்புத செய்கையை வந்துபாருங்கள்

சிந்தித்துப் பார் !

- Mr A.M J R

winter season விரைந்து ஓடிக் கொண்டிருந்தது நேரம் சுமார் 6 am மணி இருக்கும் காலைக் கதிரவன் தன் தோழியாம் சிவப்பு நிறத்துடன் தோன்றி செந்நிறத்தில் வானில் மிதந்து கொண்டிருந்தது... அங்கே 10 வயது நிரம்பிய அக்கா Shanthi தங்கை Gloria-வை அவசரப்படுத்திக் கொண்டிருந்தாள். 'ம் ம் சீக்கிரம் புறப்படு அப்பா கூட சுவிஷேச ஊழியத்துக்கு நாமும் போகணும்லா.......' அதற்குள் அவளுக்கு அடுத்த தங்கை Jachollian (5) விடவில்லை எனக்கும் இயேசப்பா பாட்டு பாடத் தெரியும், நானும் வர்ரேன் -க்கா...... கொஞ்சம் குரலில் அவள் கெஞ்சினாள் அனைவரும் ஆயத்தமாயினர், ஊர் வந்தது ஒருவரையுங் காணோம் சிறுமிகள் தங்கள் செல்லக் குரலில் பாட ஆரம்பித்தனர் மண்ணிலே விண்ணின் கீதம் கேட்டதும் கூடினது கூட்டம். இனி ஆத்துமாக்களை அறுவடை செய்வது ஆண்டவன் பணியன்றோ.

சாயங்காலம் 4:30 மணி இருக்கும் அன்று சனிக்கிழமை சிறுமிகளின் வாய் விவிலியத்தின் வரிகளை விளித்துக் கொண்டிருந்தது. விவரம் அறிய அவர்கள் அருகில் அமர்ந்தேன் அப்போது தான் புரிந்தது Sunday Class விவரம் அவர்கள் தங்கள் தம்பியையும் மனனம் செய்யத் தூண்டிக் கொண்டிருந்தனர் சிறுவன் தனது குறும்புச் குரலில் கூறினான் 'ஜீவ அப்பம் நானே' அவன் தன்னைத் தானே காட்டினான்...... அப்போது அதின் அர்த்தத்தை என்னால் உணர முடிந்தது தீவிரமாய் சிந்திக்கலானேன் இன்று நான் பிறருக்கு அப்பமாக விளங்குகிறேனா...... பிறரை போஷிக்கிறேனா....... என்னுள் எழுந்த இதய ஏக்கத்துக்கு பதிலளிக்க என்னையே எழுப்பிக் கொண்டிருந்தேன். இன்று உங்கள் நிலை எப்படி? சிந்தித்துப் பார்த்து சிலுவை அப்பத்தை நோக்க முடிகிறதா............?

மறக்க முடியுமா?

- Martin Jebamani Esther / பா. மோசஸ் ஜெபமணி

1. இருட்டு
2. இருட்டின் மடியில் நின்று கொண்டு
3. பரந்த வானத்தை வெளித்து நோக்குகிறேன்...
14 முதலில் அவரை அணுக அச்சப்பட்டது உண்மைதான் அப்புறம் தானே தெரிந்தது அவர் அத்தனை அன்பானவர் என்று!
15 சகோதரத்துவத்தைப் புரிய வைத்தார். ஒழுக்கம் கடை பிடிக்க கற்றுக் கொடுத்தார், ஒன்றும் தெரியாமல் இருந்த என்னை தெரிந்தவனாக்கினார்...
17 இனிமையுடன் இன்பமாக நாட்களை நகர்த்திக் கொண்டிருந்த வாழ்க்கையில் விழுந்தது இடி! அந்த இடிதான் 1983ம் ஆண்டு 16ம் தேதி விழுந்தது இடி.
18 பிரிந்தே ஆக வேண்டிய கட்டாயம், காலத்தின் கோலம்
19 அழுதேன் - துடித்தேன்; கதறினேன்; கண்ணீர் இறைத்தேன்...
22 அதாவது திரு. டேவிட் பிரசங்கியார் என்னும் எங்கள் தாத்தாவிடம் அல்லவா கொடுத்து விட்டேன்
23 அவர் இருந்த அந்த நாட்களைத் தான்
24 மறக்க முடியுமா? அந்த காலம் தான் திரும்ப வருமா?

"இயேசுவின் பிறப்பினால்"

- Martin Jebamani Esther

• 1 தேவனுக்கு - "மகிமை" - லூக்கா. 2:14
• 2 மரியாளுக்கு - "சிந்தனை" - லூக்கா. 2:19
• 3 யோசேப்புக்கு - "ஆச்சரியம்" - லூக்கா. 2:33
• 4 சிமியோனுக்கு - "சமாதானம்" - லூக்கா. 2:29
• 5 சாஸ்திரிகளுக்கு - "சந்தோஷம்" - மத்தேயு 2:10
• 6 ஏரோதுக்கு - "கலக்கம்" - மத்தேயு 2:3
• 7 சாத்தானுக்கு - "துக்கம்" - மாற்கு 1:24

ஆனால் உங்களுக்கு என்ன? நீங்களே தெரிந்து கொள்ளுங்கள்?